«Кудораське» раськень теварсевксэнть лувсо Ковылкинань буень пичксема кудонть юрсо панжовсь авань одкстомтозь консультация – сы шкань аватненень лездамонть ды аватнень репродуктивной шумбрачист ванстоманть туртов неень шкань тарка. Ней тесэ медицинань неень шкань мебель ды оборудования, УЗИ-нь, функциональной диагностикань, психологической ды медико-социальной лезксэнь нупальть. Ули экспертэнь классонь УЗИ-сканер ды эйкакшонть ёжонзо мельга ванномань КТГ аппарат. Консультациясь важоди «Ванстомань поликлиникань» ёнкстнэнь коряс – куроксто, вадрясто, апак учо. Неень шкасто учётсо аштить 82 пешксесэ ават.
2026 иесь Мордовиясо яволявтозь шумбрачинь иекс, чачтомань службань одкстомтомась – прявт тевтнестэ вейкесь. Регионсонть тевс нолдави 18-49 иесэ аватнень туртов репродуктивной диспансеризациянь программась, шумбрачинь ламот ванноматнне рамавить ОМС-нь полисэнть коряс. Авань консультациянь одкстомтомась – те аволь ансяк витнема-петнема ды техника. Те инвестицият аватнень, эйкакштнень шумбрачис ды Мордовиянть вандынь чинтень!
Источник: https://mordoviatv.ru
