Мордовиясо топавтови «Кудораське» раськень теварсевксэнь «Семейные ценности и инфраструктура культуры» региононь проектэсь. Сонзэ лувсо ютавтови культурань учреждениятнень одкстомтомась. Тедеде Покш Игнатовань краеведениянь музейс пачтязь од оборудования.
Музеесь панжозель 2023 иестэ. 2024-це иестэ раськень теварсевксэнть лувсо ютавтозель музеень кудонть покш одкстомтомазо. 2025 иестэ топавтозь музеенть технической оснащениясь. Культурань учреждениясь пештявсь выставкань, мультимедиянь, гайтень, экспозициянь ды ванстомань фондтнэнь туртов од оборудованиясо. Те лездась теемс паро условият важодицятнень туртов, конат пурныть, тонавтнить ды ванстыть историянь, материальной ды духовной культурань памятниктнень. Од оборудованиясь тейсы седе вадрякс экскурсиятнень ды тематической мероприятиятнень ютавтоманть.
Коллекциянть юрсо – Советской Союзонь Геройтнеде, 1941-1945 иень Ине Отечественной войнань участниктнеде, специальной военной операциянь материалтнэ: сёрматне, фотографиятне, документтнэ, казнетне, Игнатовань буесэнть чачозетнень ули-парост.
Источник: https://mordoviatv.ru
